| Hvat kostar tað at tinglýsa? |
|
a. Skeyti:
1% av keypsprísinum samb. LØGTINGSLÓG NR. 8 FRÁ 26. FEBRUAR 2006 sum seinast er broytt við LØGTINGSLÓG NR. 156 FRÁ 23. DESEMBER 2015 + kr. 1.000,- samb. LØGTINGSLÓG NR. 63 FRÁ 10. JUNI 2008
b. Leigusáttmálar:
Kr. 1.000,-
c. Úttøkur:
Kr. 1.000,-
d. Hjúnasáttmálar:
Her verða víst 3 dømi: Um annar hjúnafelagin einsamallur eigur ognina og hin hjúnafelagin skal standa fyri allari ognini er kostnaðurin 1% av virðinum + kr. 1.000,- Um báðir hjúnafelagirnir standa fyri ognini og tann eini einsamallur skal standa fyri allari ognini er kostnaðurin 1% av ½ av virðinum á ognini + kr. 1.000,- Um ognin bara skal skrásetast sum serogn hjá tí hjúnafelaga, sum er skrásettur sum eigari av ognini er tinglýsingargjaldið kr. 1.000,- Hesir hjúnasáttmálar skulu allir góðkennast av Ríkisumboðnum Hjúnasáttmáli, sum verður gjørdur áðrenn hjúnalag , skal ikki góðkennast av Ríkisumboðnum.
e. Gávubræv:
1% av virðinum av ognini + kr. 1.000,-
f. Byrða (servituttur):
Kr. 1,000,- Um ein ogn skal tinglýsast sum serogn, kann hetta bert lýsast við einum hjúnasáttmála ella einum gávubrævi.
g. Lániskjøl:
1% av upphæddini + 1.000 kr.
|
| |
| Hvat kostar tað at avlýsa skjøl? |
|
Tað kostar einki av avlýsa eitt skjal og heldur ikki at avmarkað ein veðrætt. |
| |
| Hvussu verður goldið? |
|
Gjaldast skal kontant ella peningurin flytast á konto í P/F BankNordik 6460-1725221 og P/F Eik Bank 9181- 1752911. Móttøkan á Umhvørvisstovuni tekur ímóti Visa korti. |
| |
| Hvussu verður eitt skeyti skriva? |
|
Eitt skeyti skal innihaldi: Fráboðara (tann, sum skeyti skal sendast aftur til), matrikulnummar, seljara, keypara, p-tal ella v-tal hjá keypara, keypspening, byrðu, um nøkur er, dagfesting, lesiligar undirskriftir, tvey lesilig sannunarvitni harav navn, starv og fullur bústaður skal framganga.
|
| |
| Er tað neyðugt at nýta sakførara ? |
|
Nei, men hetta ráða vit fólki til |
| |
| Hvussu setur ein virðið á ognini ? Skal tað vera tað reella virðið? |
|
Ja |
| |
| Um eini hjúnarfelagin stendur fyri húsinum, hvussu fæst hin parturin at standa sum eigari eisini? |
|
Tað kann gerast við skeyti ella hjúnasáttmála |
| |
| Kann ein ómyndigur fáa, keypa, selja ella veðseta ogn? |
|
Ja, men loyvi skal frá Ríkisumboðnum og undirskrift frá einum verja |
| |
| Hvat pant er í ávísum bilum/maskinum /bátum (leysafæ)? |
|
Pant í leysafæ verður skrásett í persónbók undir navnið debitors.
Bert bátar undir 5 br.tons. |
| |
| Hvussu long er avgreiðslutíðin ? |
|
Avgreiðslutíðin kann verða 10 dagar,men vit gera alt fyri at avgreiða skjølini so skjótt sum gjørligt. |
| |
| Kann mítt skjal verða tikið framum hini? |
|
Skjøl verða ikki tikin framum, tey verða avgreidd í tí rekkjufylgju tey koma inn. |
| |
